Ինստիտուտի գիտական և գործնական աշխատանքների հիմնական ուղղությունները կապված են տեղային և տարածքային ցանցերի (LAN/WAN) վրա հիմնված ավտոմատացված կառավարման համակարգերի (ԱԿՀ) նախագծման և մշակման, ինչպես նաև ծրագրային ապահովման մշակման հետ: Մինչև ԽՍՀՄ փլուզումը տարածքային (գլոբալ) ԱԿՀ-ների հիմնական պատվիրատուներն էին ԽՍՀՄ տարբեր ձեռնարկություններ և կազմակերպություններ: Աշխատանքի հարուստ փորձ է կուտակվել օպերացիոն համակարգերի և սարքավորումների ստեղծման ու նախագծման տեխնոլոգիաների և մեթոդոլոգիաների բնագավառում, ինչը թույլ է տվել մշակելու նմանատիպ համակարգեր: ԱԿՀ-ների նմուշները, որպես աշխատող ԱԿՀ-ներ, այժմ տեղակայված են նախկին ԽՍՀՄ-ի բազմաթիվ կազմակերպություններում: Կիրառական ծրագրերի մի շարք համալիրներ տեղակայված են և աշխատում են պատվիրատուների մոտ:

Ինֆրաստրուկտուրա

Ինստիտուտն ունի հաշվողական համակարգերի և ծրագրային ապահովման ստեղծման համար հուսալի ինֆրաստրուկտուրա, որը բաղկացած է բազմաթիվ մասնագետներից, հետազոտական լաբորատորիաներից և այլ գիտահետազոտական միջոցներից, ժամանակակից համակարգչային տեխնիկայից և ծրագրային ապահովման ստեղծման միջոցներից: Մեր միջոցները մեզ թույլ են տալիս միաժամանակ մի քանի լայնածավալ նախագծեր վարել: Ներկայումս ինստիտուտը զբաղվում է ֆունդամենտալ հետազոտություններով հաշվողական համակարգերի բնագավառում:

Ծառայություններ

• բարձր հուսալիության հաշվողական համալիրների ստեղծում
• տեղային և տարածքային ցանցերի (LAN/WAN) վրա հիմնված ավտոմատացված կառավարման համակարգերի (ԱԿՀ) նախագծում և մշակում
• հատուկ նշանակութան հաշվողական համակարգերի և համալիրների նախագծում և մշակում
• իրական ժամանակի օպերացիոն համակարգերի նախագծում և մշակում
• տվյալների բազաների համակարգերի մշակում և ստեղծում
• համակարգային և կիրառական ծրագրային փաթեթների ստեղծում ասեմբլեր, C++, Visual C++ և Java ծրագրավորման լեզուների միջոցով Windows և UNIX օպերացիոն համակարգերի համար:
• լայնածավալ համակարգերի ճարտարապետության նախագծում, մշակում և սպասարկում