Շնորհակալ ենք Երևանի ավտոմատ կառավարման համակարգերի գիտահետազոտական ինստիտուտի (ԵրԱԿՀԳՀԻ) հանդեպ ցուցաբերած հետաքրքրության համար: Ինստիտուտը հիմնադրվել է 1992թ-ին Երևանի մաթեմատիկական մեքենաների գիտահետազոտական ինստիտուտի (ԵրՄՄԳՀԻ)-ի՝ բարձր հուսալիությամբ հաշվողական համալիրների ու տարածքային (գլոբալ) ավտոմատացված կառավարման համակարգերի (ԱԿՀ) մշակմամբ զբաղվող ստորաբաժանումների բազայի վրա:
Ինստիտուտի գիտական և գործնական գործունեության հիմնական ուղղությունները պայմանավորված են հիմնական մասնագետների աշխատանքների արդյունքների, և համապատասխանաբար, ԵրՄՄԳՀԻ-ում նախորդ գործունեության ընթացքում ձեռք բերած նրանց որակավորման հետ:

Այդ ուղղությունների համառոտ ցանկը.

• Բարձր հուսալիությամբ հաշվողական համալիրների ստեղծում
• տարածքային ԱԿՀ-երի ստեղծում
• ցանցային միջավայրում ինֆորմացիոն համակարգերի և տվյալների բազաների ստեղծում
• կիրառական ծրագրային ապահովման ստեղծում
• իրական ժամանակի օպերացիոն համակարգերի ստեղծում
• տեխնիկական միջոցների ստեղծում:

ԵրԱԿՀԳՀԻ-ում հարուստ փորձ է կուտակված վերը նշված ուղղությունների մեթոդոլոգիայի, նախագծման, փորձարկումների և ներդրման ասպարեզներում: Ինստիտուտը հնարավոր գործընկերներին առաջարկում է համագործակցության հետևյալ ուղղությունները.

• տարածքային ԱԿՀ-երի նախագծում և ստեղծում
• իրական ժամանակի օպերացիոն համակարգերի ստեղծում
• ցանցային միջավայրում ինֆորմացիոն համակարգերի և տվյալների բազաների ստեղծում
• կիրառական ծրագրային ապահովման ստեղծում

ԵրԱԿՀԳՀԻ աշխատակիցների հիմնական ձեռքբերումները

Ինստիտուտի մասնագետները մասնակցել են ներքոհիշյալ խոշոր նախագծերին

Էլեկտրոնային հաշվիչ մեքենաներ և համալիրներ

• ՍՎԿ երկմեքենանի հատուկ նշանակության հաշվողական համալիրի մշակում ( 1973-1975թ.թ.)
• "Սևան" բազմապրոցեսորային հաշվողական համակարգի մշակում (1985-1987թ.թ.)

Օպերացիոն համակարգեր

• ՍՎԿ հաշվողական համալիրի համար իրական ժամանակի օպերացիոն համակարգ (1977թ.)
• "Սևան" հաշվողական համալիրի համար իրական ժամանակի բազմապրոցեսորային օպերացիոն համակարգ (1986թ.)

Կիրառական ծրագրային ապահովման փաթեթներ

Մշակվել են կառավարման ավտոմատիզացիայի ոլորտի բազմաբնույթ խնդիրների կիրառական ծրագրային ապահովման մի շարք փաթեթներ: Այդ փաթեթները տեղադրված են և օգտագործվում են մի շարք կազմակերպություններում(1971-1991թ.թ.)

Ավտոմատացված կառավարման համակարգեր

• Նախկին ԽՍՀՄ մի շարք կազմակերպությունների և ձեռնարկությունների պատվերով ստեղծված տարածքային (գլոբալ) ավտոմատացված կառավարման համակարգերի (ԱԿՀ) մշակում, ներդրում և ուղեկցում (1971-1991թ. թ.)
• ՀՀ ՆԳՆ, ՌԴ մի շարք կազմակերպությունների և ձեռնարկությունների պատվերով ստեղծված՝ տեղային և տարածքային ԱԿՀ-ների նախագծում, մշակում, ներդրում և ուղեկցում (1992-2003թ. թ.)

Հաշվողական համակարգերի, հաշվողական համալիրների, կիրառական ծրագրերի և օպերացիոն համակարգերի նմուշները դրվել են սերիական արտադրության և մտցվել աշխատող ԱԿՀ-ների կազմի մեջ: Այս համակարգերն ու համալիրներն ակտիվ օգտագործվել են նախկին ԽՍՀՄ բազմաթիվ կազմակերպությունների կողմից և մինչև այժմ օգտագործվում են պատվիրատուների կողմից:
Նոր պատվիրատուների պահանջները բավարարելու նպատակով ինստիտուտն անընդհատ նորացնում և կատարելագործում է իր հաշվողական և կոմունիկացիոն ինֆրաստրուկտուրան ՝համաշխարհային համակարգչային տեխնիկայի և տեխնոլոգիաների նոր նվաճումներին համապատասխան:
Օգտագործվող սարքավորումների շարքին են պատկանում ավելի քան 10 սերվերներ 100-ից ավելի աշխատանքային կայաններ՝ նորագույն պրոցեսորների բազայի վրա, որոնք աշխատում են Windows և UNIX օպերացիոն համակարգերի տակ, Intrenet, Intranet, e-mail, տվյալների ընդհանուր բազա:

ԵրԱԿՀԳՀԻ ներքին և միջազգային կապերը